مستونگ : پاکستانی پوج ءُ سلاہ بندیں مردمانی میڑ، جانی تاوان ھال

پاکستانی پوج مستونگ ءِ دمگاں مزنیں کچے ءَ پیشگامی کنگ ءَ اِنت-

بلوچستان ءِ دمگ چہ مستونگ ءَ ھالانی رِد ءَ گوستگیں شپ ءَ پاکستانی پوج ءِ مزنیں کچے ءَ اسلپنجی ءِ نیمگ ءَ اے میان ءَ دمگ ءَ میڑانی میان ءَ تیرگواری ءُ تُرندیں تراکانی ھال سر بیتگ-

میڑ ءَ دوئیں نیمگاں چہ جانی تاوان ھال اِنت-

اے دمگ ءَ تنی وھدے لشکر کشی برجاہ ءَ اِنت وھدے کہ پوج ءِ کمک ءِ واستا دگہ گیش کارندہ لوٹائینتگ وھدے کہ ایمبولینسز روگ ءُ آیگ ءَ ھم گندگ بیتگ اَنت-

زانگ بہ بیت کہ مستونگ ءِ کش ءُ گوراں پاکستانی پوج ءِ نیمگ ءَ چہ یکشل ءَ پوجی لشکر کشی ءِ ھال اِنت، بلے سرکاری نیمگ ءَ پوج واکدار ءُ آئی ءِ لشکر کشی پدری نہ بیتگ-

ھمے وڑ اسلپنجی ءِ کش گوراں کوھی دمگاں بلوچ آجوئی لوٹوکیں سلاہ بندیں ٹولی پُرکار اَنت ءُ ھمکروچ پاکستانی پوج سر ءَ اُرش کن اَنت، بلے آئی ءِ نیمگ ءَ چہ ھچ وڑیں تاوان پدری نہ بیتگ-