بلوچستان ءِ دو جتاجتائیں دمگاں، نوشکی ءُ مستونگ ءَ، پاکستانی پوج دو جتاجتائیں اُرشاں نشانگ کتگ، اود ءَ پوج ءَ جانی ءُ مالی تاوان چست کنگ ءِ ھال اِنت-
نوشکی شھر ءِ نزیک ءَ دو سئے ءِ دمگ ءَ بُنجاھی شھدگ سر ءَ پاکستانی پوج ءِ گاڑی آئی ای ڈی تراک ءَ چہ نشانگ کنگ بیتگ-
ھالانی رِد ءَ تراک ءَ پوجی کاروان ءِ دو گاڑیاں چہ یک گاڑی یے سرجمی ءَ تباہ بیتگ، چریشی ءِ آسر ءَ کارندھاں سک جانی تاوان رس اِتگ-
تنی وھدے سرکاری نیمگ ءَ ھچ وڑیں پدری نہ بیتگ بلے شھر ءَ ھیلی کاپٹرانی ءُ ڈرون بالگردانی بُرز بال برجاہ ءَ اِنت-
ھمے وڑ مستونگ ءَ سی سی ایم ناکہ سر ءَ ناشناسیں پرپٹ سواراں اُرشکاراں ایف سی چیک پوسٹ سر ءَ دستی بمب اُرشے کتگ-
تراک ءَ پوج ءَ تاوان ءِ دیمپانی کنگ کپتگ وھدے کہ اُرشکار ءَ کار کنگ ءَ پد جاہ پہ جاھی تچگ ءَ سوبمند بیتگ اَنت-
وئیل ءَ پد پاکستان پوج ءَ دمگ انگیر ءَ کتگ پٹ ءُ پول بندات کتگ-