بلوچستان ءِ دمگ مستونگ ءِ جھمنند سید منظور شاہ ءَ پشمبے ءَ پریس کانفرنس کنان ءَ گْوشتگ کہ گوستگیں روچاں لکپاس ءِ نزیک ءَ پاکستانی پوج ءِ تیرگواری ءَ چہ منی چک بیران بیتگ- آئی ءَ وتی ورنا ایں پُسگ سید احسان شاہ ءِ کوش ھلاپ کاروائی ءُ انساپ دیگ لوٹ کتگ-
آئی ءَ گْوشتگ کہ منی چُک دو جون ءَ عید ءِ ساز ءُ سامان زیرگ ھاتر ءَ شال ءَ شپ اود ءَ سیادانی گور ءَ جلّ اِتگ ءُ دومی روچ ءَ مستونگ واستا درتکگ گڑا بیگاہ ءَ من آں انتزامیہ ءَ پون کتگ کہ تئی چک دگ وئیل ٹپی بیتگ وھدگ اود ءَ شتگ آں سرپد بیتگ آں ایف سی ءَ تیرگواری کتگ کُشتگ-
آئی ءَ گْوشتگ کہ اے زُلم اِنت من آں انساپ لوٹ اِیت، منی ورنا ایں بچّ بے سبب ءَ راہ روگ ءَ ایف سی شھید کتگ-