کیچ ءِ بنجاھی شھر تربت ءِ ھند کوشک ملک آباد ءَ پاکستانی پوج ءَ لوگانی سر ءَ بیڑ برتگ ءُ لٹ ءُ کٹاں ھوار بازیں کچے ءَ مردم آوار جتگ ءُ برتگ انت-
دمگی مردمانی گوشگ انت شپ ءِ بے وھد ءَ پاکستانی پوج ءَ دمگ انگیر ءَ کتگ ءُ لشکر کشی بندات کتگ ءُ چریشی ءِ آسر ءَ بازیں مردم دزگیر کتگ ءُ گون وت برتگ انت-
آیانی رد ءَ تربت ءِ کُچگی دمت ملک آباد ءُ کوشک ءَ گوستگیں شپ ءَ پوج ءَ ترندیں رنگے ءَ لشکر کشی بندات کتگ ءُ ھمے وھد ءَ پوج ءَ عبدالرحمن ء عبدالمجید، حمل امام ء امام بخش، ظہور احمد ء مراد حاصل، خلیل احمد ء مراد حاصل، اخلاق ء ظہور احمد، طیب ء پیر محمد، ملنگ ء غلام محمد، نصیب ء نسیم احمد، علی احمد ء غلام محمد، محبوب ء محمد، حامد ء محمد، فدا ء علی احمد، عمیر ء علی احمد، شاہ سلیم ء الطاف، حفیظ ء عبدالواحد ءُ ادیب ء عبدالواحد جھمنند کوشک ملک آباد دزگیر کتگ ءُ برتگ انت-
بیگواہ بیتگیں دگہ مردمانی پجار دیم ءَ نیتکگ انت – دمگی مردمانی رد ءَ پوج ءَ لوگانی سر ءَ بیڑ ءِ وھد ءَ زالبول ءُ زھگ ھم جتگ انت –