بلوچستان ءِ جتا جتائیں دمگاں تیرگواری وئیلاں دو مردم بیران ءُ ھمے وڑ یک لاشے دزکپتگ-
مستونگ ءِ شھر ءَ الھپیز ھوٹل ءِ نزیک ءَ پرپٹ سواریں سلاہ بندانی تیرگواری ءَ یک مردمے بیران بیتگ-
پولیس ءِ رد ءَ بیران بیتگیں مردم ءِ پجار سید اھسان شاہ ء منظور شاہ ءِ نام ءَ زانگ بیتگ کہ آ پڑنگ آباد ءِ جھمنند انت-
وئیل ءَ پد ءَ لاش غوث بخش ھسپتال ءَ سر کنگ بیتگ ءُ اود ءَ اژدری چار ءُ ٹپاس ءَ پد لاش کھول ءِ ھوالک ءَ دیگ بوتگ-
دومی وئیل تربت شھر ءَ ملائی بازار ءَ پیش اتکگ کہ اود ءَ ناشناسیں پرپٹ سواریں مردمانی تیرگواری ءَ تاھر رھمدل بیران بیتگ- آئی ءِ سیادی ملائی بازار ءَ انت-
لاش ھسپتال ءَ سرکنگ بیتگ ءُ اے درگت ءَ دگہ اھوال دیم ءَ نیتکگ انت-
ھمے وڑ تربت بس ٹرمینل ءِ نزیک ءَ بانک چڑھائی ءَ یک ورنایے ءِ لاش دزکپتگ کہ لاش ءِ پجار انگت ءَ نہ بوتگ ءُ ھسپتال ءَ سر کنگ بیتگ-