شال ءَ میڈیکل ءِ بھرام واھد پوج ءِ دست ءَ بیگواہ

پاکستانی لشکر ءَ یک ورنا یے دزگیر کتگ ءُ ناشناسیں جاھے ءَ برتگ ۔

بلوچستان ءَ زورانسری بیگواھیانی یک نوکیں درچے بندات کنگ بیتگ – چہ شال ءَ پاکستانی لشکر ءُ انٹیلی جنس ادارھاں چہ عیسیٰ ناگری ءَ بھرام ء عبدالواحد آوار جتگ ءُ گون وت برتگ-

ورنا آوار جنگ ءَ پد بیگواہ انت کہ آئی ءِ بارو ءَ دگہ اھوال دیم ءَ نیتکگ انت-

بلوچستان ءَ زورانسری بیگواہ کنگ گیش بوتگ ۔ اے ماہ ءَ بلوچستان ءِ جتا جتائیں دمگاں زورابسری بیگواہ کنگ ءِ جتا جتائیں وئیل پیش اتکگ اَنت کہ اود ءَ بازیں مردم فورسز، سی ٹی ڈی، ءُ انٹیلی جنس ایجنسیانی دست ءَ زورانسری بیگواہ کنگ بوتگ اَنت۔

مرچی ءُ گْوستگیں روچ ءَ شال ءَ یک جنینے ءَ ھوار پنچ مردم پہ زورانسری بیگواہ کنگ بیتگ اَنت ءُ گْوستگیں روچ ءَ کیچ ءَ چہ دو مردم پہ زوررانسری بیگواہ کنگ بیتگ اَنت کہ دو روچ ءِ تہ ءَ بیگواھیں مردمانی کچ ھپت ءَ سر بوتگ انت۔

بلوچستان ءَ بلوچ ورنایانی بیگواھی یک بیمناکیں رنگے ءَ دیم ءَ جنزگ ءَ انت کہ اود ءَ ورنایانی نسل ءِ گار کنگ ءِ برابری گوشگ بوگ ءَ انت-

سمی دین ءَ گوشتگ ات کہ پیش ءَ بلوچ مردین بیگواہ کنگ بیتگ انت نہ بلوچ زالبول اے زوراکی ءَ رکگ بوگ ءَ نہ انت-

چاگردی ھلکاں بلوچ زھر ءِ درشان کنگ بوگ ءَ انت ءُ لس مھلوک ھمے گپ ءَ درشانگ انت کہ ھرکس وتی باریگ ءِ ودار ءَ نہ نند ایت یا توار چِست بہ کنت ءُ اے کار دارگ بہ بیت انت-