شال : دشت درخشان ءُ جھاؤ اُرشانی زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر شنگ کتگیں درشان ءِ تہ ءَ گْوشتگ کہ بیست شش مئی دوھزار بیست پنچ ءَ بلوچستان لبریشن فرنٹ ءِ سرمچاراں ءَ شال ءِ دمگ دشت، درخشان ءَ پیرا ملٹری فورس ءِ یک چوکی یے ڈن ءَ اوشتوکیں کارندہ دستی بمب اُرش ءَ نشانگ کتگ چریشی ءِ آسر ءَ سے کارندہ سک ٹپی بیتگ اَنت- سوبمندیں کاروائی ءَ پد سرمچاراں گوں تُرندی ءَ وئیلجاہ ءَ درتکگ اَنت ءُ وتی اوتاکانی سر ءَ پہ سلامتی سر بیتگ اَنت-

جارکش ءَ گْوشتگ کہ دگہ یک اُرشے مروچی بیگاہ ءِ کساس پنچ ءَ آواران ءِ دمگ جھاؤ، زیلگ ءِ ھند سر ءَ زورگریں پوج ءِ چوکی یک اُرشے ءَ راکٹ لانچر ءُ دگہ مزنیں سلاھاں چہ نشانگ کتگ- اے اُرش پیسر ءَ بی ایل ایف ءِ اسنائپرز ءِ ٹولی ءَ چوکی ءِ پھازوکی ءَ اوشتوکیں کارندہ نشانگ کتگ ءُ جاہ پہ جاھی کشتگ- پد ءَ راکٹ لانچر ءُ دگہ کسان ءُ مزنیں سلاھاں چہ چوکی سر ءَ تُرندیں اُرشے کتگ- دُژمن ءِ چوکی سر ءَ راکٹ اُرش ءُ دگہ سلاھاں چہ تیرگواری ءِ دْرچ بیست ملٹ ءَ تاں برجاہ بیتگ چریشی ءِ آسر ءَ پوج ءِ سے دگہ کارندہ مرتگ اَنت ءُ بازین ئِے ُٹپی بیتگ اَنت-

جارکش ءَ گْوشتگ کہ بلوچستان لبریشن فرنٹ شال ءَ پاکستانی پوج سر ءَ دستی بمب اُرش ءَ سے کارندہ ٹپی ءُ جھاؤ زیلگ ءَ پوج ءِ چوکی سر ءَ اُرش ءَ چار کارندھانی کوش زمہ واری ءَ منّ اِیت ءُ بلوچ ورنایاں چہ دزبندی کن ایں کہ وھد ءُ جاوراں بچار اِت ءُ سرپد بہ اِت راجی جُھد آجوئی ءَ سوبمند کنگ ھاتر ءَ بلوچستان لبریشن فرنٹ ءِ لَڑ ءَ ھوار بہ بیت جُھد آجوئی ءَ جوانیں وڑے ءَ املی کرد پیلو بہ کن اِت-