گیشیں ھالانی رِد ءَ بلوچستان ءِ دمگ مستونگ ءِ ھند کھڈکوچہ ءَ پاکستانی پوج فرنٹیئر کور ” ایف سی ” ءِ یک چیک پوسٹے ءِ سر ءَ ناشناسیں مردماں گوں راکٹاں اُرش کتگ-
اِھوالکار ءِ رِد ءَ تراکانی توار دیر دیر تاں اشکنگ بیتگ انت چریشی ءِ سبب ءَ دمگ ءَ تُرس تالان بیتگ، اُرش ءِ آسر ءَ پاکستانی پوج ءَ جانی ءُ مالی تاوان چست کنگ کپگ ھال اِنت-
لیویز واکدار رِد ءَ اُرش پد دمگ ءَ لشکر کشی بندات کنگ بیتگ-
ھمے وڑ یک وئیلے ءَ سلاہ بندانی تیرگواری ءَ چہ سر ءَ نا وشیان مردم بابل ء نظام شاھوانی کلی غزگی مستونگ بیران بیتگ-
زانگ بہ بیت کہ کھڈکوچہ ءُ آئی ءِ کش گوراں اشی ءَ ساری ھم پاکستانی پوج ءَ باز رند ءَ اُرش ءِ نشانگ کنگ بیتگ، آیانی زمہ واری دمگ ءَ پُرکار بلوچ آجوئی لوٹوکیں سلاہ بندیں ٹولیانی نیمگ ءَ اِنت چہ منّگ بیتگ، بلے مروچی بیتگیں اُرش زمہ واری انگت ھچ گل ءَ نہ زرتگ-