اِستانِ پاکستان مجگی نادراھی ءِ آماچ
نبشتہ کار: شکّل بلوچ
دی بلوچستان پوسٹ
بلوچستان، یک آزات اِستانے ءِ بستار ءَ زانگ بوتگ ءُ انگت ءَ ناشریں ءُ وتگڑیں اِستانِ پاکستان ءِ ھلاپ ءَ بلوچ راجی لشکر وتی جُھد برجا داشتگ۔ اِستانِ پاکستان مدام بلوچ ءِ بیانیہ ءِ کاؤنٹر کنگ ءِ ھاتر ءَ جتا جتائیں پندلاں گوں سر ءُ پُٹ اِنت۔ اے آئی ءِ پروش ءِ کلوہ ءَ دیگ ءَ اِنت کہ اِستان پاکستان وتی ناکامی ءِ چیر دیگ ءِ ھاتر ءَ بلوچستان روچ پہ روچ بلوچ ءِ گار ءُ بیگواہ ءُ چُکچینی ءَ یکشل ءَ کنگ ءَ انت۔ آ چہ وتی یک اِستانے کَٹ ءَ چہ گوزتگ، آ مرچی دنیا ءِ دیم ءَ یک ناشرکاریں اِستانے ءِ بستار ءَ زانگ بیت۔
پاکستان ناکام اِنت، پاکستان وتی مالی ءُ تاگتی بستار ءَ سک باز نزور اِنت، پاکستان چوناھا تو بچار ئے آئی ءَ پروش وارتگ بلے وتی بے شرمی ءُ نالائکی ءَ مدام ماں چاگردی رسانکدر ءَ وت ءَ رکّگ ءِ جُھد ءَ کنگ ءَ اِنت۔ آ بزگ ءُ بے گناھیں بلوچانی گار ءُ بیگواہ کنگ ءَ چہ بلوچستان ءَ دیٹھ اسکواڈ ءِ کمک ءَ وت ءَ برجا دارگ ءِ جُھد ءَ اِنت۔
داعش ءِ نامیں ڈیتھ اسکواڈ گروپ ءَ را دیم ءَ آرگ ءِ جُھد ءُ کوشست ءَ کنت پد ءَ آئی ءِ یک بیانے ءِ تہ ءَ بی وائی سی ءِ زھرشان کنوکیں ریلی ءِ سر ءِ مھلوکانی ٹاگٹ کنگ ءِ بیھار ءَ دنت بلے اے بیان ءُ اَمل پہ پاکستان ءِ واستا یک بلاھیں پروشے، چی ءَ کہ یکے آ دنیا ءِ دیم ءَ یک جمھوری نزام ءَ را چِست ءُ ایر کنگ ءِ شوربندی ءَ کنت ءُ دومی نیمگ ءَ بلوچستان ءُ پشتونسان ءَ مھلوکانی چُکچینی ءَ کنگ ءَ اِنت۔ اے اَمل ءَ چہ زانگ بیت کہ پاکستان مجگی نادراھی ءِ آماچ اِنت کہ مدام پہ دروگ ءِ پُشدر ءَ وتی وتگڑیں اسلامی ریاست ءِ گپ ءَ ھم کنگ ءَ اِنت ءُ دومی نیمگ ءَ مھلوکانی سر ءَ زُلم ءُ زواکی، چُکچینی کنگ ءَ انت۔
پاکستان پروشتگ، بلے بلوچستان ءَ ھما ھَد ءَ بلوچانی گون ءَ زُلم ءُ زوراکی کنگ ءَ اِنت کہ مھلوک تُرس ءِ آماچ ءِ جوڈ بوگ ءَ اَبید وتی گھگیری ھما داب ءَ برجا داشتگ چمیشکا آ نوں وتی رکینگ ءِ ھاتر ءَ بلوچ ءِ چُکچینی ءَ کنگ ءَ انت۔
چہ ایشی ءَ اَبید دنیا انوں پاکستان ءَ را یک ناشرکاریں استانے ءِ بستار ءَ چار اِیت، نوں بلوچ راج اے سوڑگ ءَ بکن کہ آ چوں اے جاوراں وت ءَ گوں دژمن ءَ پروش دات کُت بکنت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-