کیچ ءِ دمگ ءَ سیادی داروکیں یک کھولے ءَ زورگیریں ریاست ءِ ھلاپ ءَ ریلی، پریس کانفرنس ءَ ورنائیں نودربر ءِ یلو کنگ ءِ لوٹ کتگ۔
چہ تربت ءِ نیمگ ءَ بگ ءَ سیادی داروکیں کھول ءَ تربت پریس کلب ءَ اناگتی پریس کانفرنس ءِ وھد ءَ پاکستانی لشکر ءِ زوراکی ءُ زورانسری بیگواھی ءِ ھلاپ آواز چست کتگ۔
یکشمبے روچ ءَ ھانی بلوچ ءَ (درجنوں) زالبولانی ھمراھی ءَ تربت پریس کلب ءَ پریس کانفرنس کُتگ ءُ گْوشتگ کہ ایشی ءِ کھول چہ 2013 پاکستانی ریاست ءَ زّلم زوراکیاں نشانگ بیگ ءَ اَنت۔
ھانی بلوچ ءَ گْوشتگ مئے لوگاں یکوی بیڑ بارت،
زالبول دستیگ کتگ ءُ ورنا چست کتگ اَنت۔ سن 2014 ءَ مئے پنچ مردم چست کُتگ ءُ داں دو ھپتگ ءَ سک باز لٹ ءُ کُٹ کتگ اَنت اے اے نیم مُرتگیں ھالت ءَ یلو کتگ اَنت۔
آئی ءَ گْوشتگ کہ 2017 ءَ آئی ءِ مستریں برات اقبال بلوچ بیگواہ کتگ آ 14 ماہ رند ءِ سک ٹپیگ کتگ ءُ جانی ءُ زھنی ازیتاں چہ رند یلو کتگ۔ ما آئی ءِ جان بچائینگ ءِ واستا دبی بُرتگ۔
پریس کانفرنس ءِ توک ءَ آئی ءَ گوشتگ کہ جیئند بلوچ آئی ءِ نام لوگ ءَ عدنان اِنت چوکہ تربت یونیورسٹی ءَ کانون ءِ نودربرے گْوستگیں شپ ءَ پاکستانی لشکر ءَ لوگانی توک ءَ بیڑ بُرتگ ءُ عدنان بلوچ چست کتگ ءُ بیگواہ کتگ۔ آ یک مھنت کنوکیں نودربرے بیتگ آئی ءَ بس وتی وانگ ءِ واستا جھد کت۔
آئی ءَ گوشتگ کہ ایشی ءِ کھول مدام نشانگ کنگ بیگ ءَ اِنت کہ آئی ءِ مستریں برات ناصر بلوچ یک سیاسی جماعت بلوچ نیشنل موومنٹ ءِ مرکزی رھشون اِنت۔ اگاں ریاست جیھند ءَ بس رشتہ ءِ بینات ءَ مجرم پھم اِیت گڑا کانون ءِ رد ءَ ادالت ءَ پیش ئِے بہ کنت، بیڑ برگ ءُ زورانسری بیگواہ نشانگ کنگ مہ بیت۔
گڈسر ءَ ھانی بلوچ ءَ ریاست ءِ ادارھانی گوما لوٹ کتگ کہ جیھند بلوچ ءَ سے روچ ءِ توک ءَ یلو بہ کنت ءُ ادالت ءَ بیار اِیت
دومی نیمگ ءَ ما غیر معینہ مدت ءِ واستا ریلی ءُ دھرنا دیگ ءَ مجبور ایں۔