بلوچستان ءِ دمگ مستونگ ءَ پاکستانی لشکر ءَ بلوچ نودربر گل (پجار) مستونگ زون ءِ آرگنائزر وقاس بلوچ گوں چار ھمراھاں دزگیر کنگ ءَ پد زورانسری بیگواہ کتگ۔
دمگی اھوالانی رد ءَ آ گْوستگیں شپ ءَ پاکستانی لشکر ءِ دزگیر کنگ ءَ پد بیگواہ بیتگ۔ بلے آئی ءِ سئے ھمراھانی انگت ءَ پجار نہ بوتگ اَنت۔
زانگ بہ بیت سرجمیں بلوچستان ءَ پاکستانی لشکر ءِ نیمگ ءَ زورانسری بیگواھیانی درچ برجاہ اَنت۔ اے ماہ ءَ ھم بازیں مردمے زورانسری بیگواہ کنگ بوتگ اَنت ءُ بازیں دزگیریں مردم دروگیں میڑانی وھد ءَ بیران بوتگ اَنت۔