پنجگور، مند ءُ گومازی ءَ پاکستانی پوج ءُ پولیس سر ءَ بیتگیں اُرشانی زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ بی ایل ایف ءِ سرمچاراں پنجگور ءُ گومازی ءَ زورگریں پاکستانی پوج دو جتاجتائیں اُرشاں نشانگ کتگ اَنت جانی ءُ مالی تاوان داتگ اَنت وھدے کہ مند ءَ پولیس تھانہ دستیگ کتگ ءُ سرجمیں سلاہ برتگ اَنت-

جارکش ءَ گْوشتگ کہ مروچی بیست یک پروری دوھزار بیست پنچ نیم روچ ءِ دوازدہ ءَ بی یل ایف ءِ انٹیلیجنس ٹولی ءَ ھال داتگ کہ پوجی واکدار نیمگ ءَ چہ پنجگور ءِ بُنجاھی بُنجل، چتکان ءَ یک دیوانے برجاہ ءَ اِنت- سرمچاراں انٹیلیجنس ٹولی ھالانی رِد ءَ کاروائی کنان ءَ پوج ءِ بُنجاھی بُنجل اُرش نشانگ کتگ- اُرش وھد ءَ مزنیں پوجی آپیسر دیوان ءَ ساڑی بیتگ اَنت کہ سُھب ھشت ھیلی کاپٹرانی سر ءَ بُنجل ءَ سر بیتگ اَنت-

جارکش ءَ گْوشتگ کہ سرمچاراں مزنیں سلاہ کارمرز کنان ءَ چتکان ءَ پوج ءِ بُنجاھی بُنجل اُرش ءِ نشانگ کتگ پوج ءَ را جانی ءُ مالی تاوان داتگ – اُرش ءَ پد زورگریں پوج ءَ دمگ ءَ تُرندیں ناکہ بندی پٹ ءُ پول بندات کتگ بلے سرمچار اُرش ءَ پد پہ سلامتی مُھریں اوتاکاں سر بیتگ اَنت-

جارکش ءَ گْوشتگ کہ دگہ یک کاروائی یے نوزدہ اپریل دوھزار بیست پنچ ءِ شپ ھشت نیم ءَ بی ایل ایف ءِ سرمچاراں کیچ ءِ دمگ مند گریڈ بازار ءَ برجاھیں پولیس تھانہ سر ءَ اُرش کتگ، سرمچاراں پولیس کارندہ یرگمال کتگ ءُ تھانہ ءَ ھستیں سلاہ ءُ دگہ سامان وتی دستیگ کتگ ءُ برتگ اَنت- بلے بلوچیت ءُ انسانیت ءِ بُنیاد ءَ سرمچاراں پولیس ءِ کارندہ ھچ وڑیں جانی تاوان نداتگ اَنت-

جارکش ءَ گْوشتگ کہ دگہ یک اُرشے ءَ سرمچاراں نوزدہ اپریل ءِ شپ نُھ ءِ نزیک ءَ تمپ ءِ دمگ گومازی ءَ کیپٹن جھانگیر ءِ لوگ سر ءَ برجاھیں پوج ءِ چوکی سر ءَ گرنیڈ لانچر ءَ چہ بازیں گولھے آس داتگ ءُ کہ آ نشانگ ءَ کپتگ اَنت، اُرش ءِ آسر ءَ زورگریں پوج ءَ جانی ءُ مالی تاوان چست کنگ کپتگ-

جارکش ءَ گْوشتگ کہ بی ایل ایف اے سئیں اُرشانی زمہ واری ءَ منّ اِیت ءُ اے اِھد کنت کہ بلوچستان ءِ سرجمی آجوئی ءَ تاں زورگریں پاکستانی پوج ءَ نشانگ کنت-