کاروان ءَ ھواریں گاڑی بمب تراک ءِ نشانگ جوڑ کنگ بوتگ۔ تراک ءَ پد لورسز ءَ دمگ انگر کتگ۔
بلوچستان ءِ پنجگور ءِ ھند پروم ءَ پاکستانی لشکر ءِ کاروان ءِ گاڑی سڑک ءِ سر ءَ ایر کنگ بوتگیں تراکناکیں شوروانی نشانگ جوڑ کنگ بوتگ۔
دمگی اھوالدار رد ءَ تراک ءَ گاڑی تباہ بوتگ ءُ پورسز ءَ را تاوان رس اتگ بلے واکداراں اے درگت ءَ انگت ءَ ھچ وڑیں ھال ءُ اھوال نہ داتگ۔
زانگ بہ بیت کہ گوستگیں روچ ءَ کیچ ءِ دمگ تربت ءَ تراک ءِ تہ ءَ فورسز ءِ گاڑی نشانگ جوڑ کنگ بوتگ وھدے کہ پنجگور ءَ فورسز ءِ راشن ءِ سواریں گاڑی سلاہ بندیں مردماں دستیگ کتگ۔
تربت ءُ پنجگور ءِ ارشانی زمہ واری بلوچ لبریشن آرمی ءَ کبول کتگ ات انت بلے مرچیگیں تراک ءِ زمہ واری انگت ءَ کس ءَ نہ زرتگ۔