وائس فار بلوچ مسنگ پرسنز ءِ رِد ءَ محمد اسلم ءَ گْوشتگ کہ آئی ءِ چُک نثار احمد یک ڈرائیورے گاڑی چلائینتگ ءُ مئے زند تیلانک داتگ، آ ایف سی ءُ دگہ ادارھانی کارندھاں گوستگیں سال بیست نُھ نومبر ءَ مئے لوگ ءَ برجاہ امام بخش بازار آبسر تربت ءَ درکانودی ھساب ءَ آوار جنگ ءَ پد بیگواہ کتگ ءُ آئی ءِ چُک درگت ءَ سرپدی دیگ ءَ نہ اِنت، چریشی ءِ سبب ءَ آئی ءِ کھول سک سسّائی نادُراھی ءِ آماچ اِنت ءُ آیانی زندمان تکانسر اِنت-
درشان ءِ تہ ءَ گوشتگ کہ محمد اسلم گل ھساب ءَ دلجمی دیگ بیتگ کہ آئی ءِ چُک نثار احمد ءِ کیس صوبائی حکومت ءُ بیگواھیں مردمانی درگت ءَ جوڑ بیتگیں کمیشن دیگ بیت، ءُ آئی ءِ پہ سلامتی یل کنائینگ ءَ ھرچ پڑ ءَ توار چست کنگ بیت-
وائس فار بلوچ مسنگ پرسنز ءِ چئیرمین نصراللہ بلوچ ءَ حکومت ءَ چہ لوٹ کتگ کہ نثار احمد سر ءَ بھتامے ھست گُڑا آئی ءَ دیم ءَ بیار اِیت آمیدگس پیش بہ کنت ڈیھی کانودی رِد ءَ سپائی ءِ موہ دیگ بہ بیت اگاں بے میار اِنت گُڑا زوت یل بہ کن اِت آئی ءِ کھول ءَ درد ءُ گماں چہ رکین اِت-