بلوچستان نیشنل پارٹی ءِ سروک سردار اختر مینگل ءَ بلوچ یکجھتی کمیٹی ءِ زالبولیں باسک چہ شال ءَ آوار جنی ءَ ایرجنان ءَ گْوشتگ کہ اے وڑیں وئیل جاوراں گیش نگیگی نیمگ ءَ بارت-
اختر مینگل ءَ گْوشتگ کہ گُلزادی بلوچ چہ شال آوار جنی ءِ ھال اش کتگ سک سدمہ بیتگ آں اے وڑیں وئیل انسانی ھکانی تُرندیں ھلاپ ورزی ءُ انساپ ءِ دپ ءَ شھماتے-
بی این پی ءِ سروک ءَ گْوشتگ کہ جست اد ءَ چست بیت کپ واکدار کجام وڑیں کلوہ دیگ لوٹ اَنت وھدے آ ھکیں تواراں ایرموش ءِ کنگ جاہ ءَ آیانی تُرساں گوش بدار اَنت-
آئی ءَ گْوشتگ کہ اے وڑیں گامگیج بے باوری راھبنداں گیش کن اَنت جاور پیسر ءَ چہ نگیگی ءَ ڈن اَنت، ءُ اے وڑ کار آیاں گیش نگیگ کن اَنت-