کلات : نندانک ءَ ھواری ءَ چہ دارگ ھاتر ءَ پاکستانی پوج ءَ شھدگ بند کتگ

کلات انتزامیہ ءَ لک پاس ھند سر ءَ بلوچ نندانک ءَ راج ھواری ءَ چہ دارگ ھاتر ءَ منگچر ھند سر ءَ دگ بند کتگ-

گیشیں ھالانی رِد ءَ منگچر ءَ ذائقہ ھوٹل نزیک ءَ کلات انتزامیہ ءُ پوج ءَ دگ گاڑیانی روگ آیگ واستا بند کتگ- دمگ ءَ چہ اِھوالکار رِد ءَ مروچی پوج ءَ دگ بند کتگ ءُ کلات انتزامیہ ءَ گْوشگ ءَ اِنت کہ آیانی پرمان سر ءَ پابند کنگ بیتگ اَنت بلے سبب ءَ گوشگ ءَ نہ اِنت-

بلے انتزامیہ تھی مردمے ءَ چہ ھال سر بیتگ کہ انتزامیہ ءُ ادارھانی میان ءَ کارگسی اِھوال ءَ بلوچ نندانک ءَ ھمگرنچی ءَ دارگ ءِ گپ کتگ-

زانگ بہ بیت کہ بلوچ یکجھتی کمیٹی ءِ سروکانی یل کنائینگ ھاتر ءَ لک پاس ھند سر ءَ سردار اختر مینگل ءِ سروکی ءَ نندانک دیگ بیگ ءَ اِنت ءُ باندا شش اپریل ءَ شال نیمگ ءَ لانگ مارچ ءِ جار جتگ – آئی ءِ دارگ ھاتر ءَ لک پاس نیمگاں ھکومت ءَ نیمگ چہ کُنڈ جتگ-