بی ایل اے ءَ مجید برگیڈ ءِ جندندری مھزام بلوچ ءِ تامری کلوہ شنگ کتگ

بلوچ لبریشن آرمی ءَ وتی آفیشل میڈیا چینل ھکل ءَ بی ایل اے مجید برگیڈ ءِ باسک مھزام بلوچ ءِ تامری کلوہ شنگ کتگ – مھزام بلوچ پنام ءِ میرک ءَ ھمے سال ءَ شانزدہ مارچ ءَ نوشکی ءَ پاکستانی پوج ءِ کاروان ءَ ھواریں یک بسے تراکناکیں شوروانی نشانگ جوڑ کتگ بوتگ کہ چریشی ءَ بس سرجم ءَ تباہ بوتگ وھدیکہ آئی ءَ سواریں کارمند مُرتگ ءُ زدگ بوتگ انت –

تراکناکیں شورواں پُریں گاڑی ءِ ترکگ ءَ پد بی ایل اے ءِ گچینی ٹولی پتھ اسکواڈ ءَ ایندگہ بسانی سر ءَ اُرش کتگ چریشی ءَ یک دگہ بسے ءَ سواریں درسیں کارمند سرمچاراں کُشتگ انت –

بلوچ لبریشن آرمی ءِ رِد ءَ اے گوستانکی ترندیں اُرش ءَ پاکستانی پوج ءِ سرجمی ءَ نود کارمند مُرتگ انت –

مھزام بلوچ پنام ءِ میرک مجید برگیڈ ءِ جند ندر شھزاد بلوچ ءِ کستریں برات بیتگ – شھزاد بلوچ 2020 ءَ کراچی اسٹاک ایکسینج اُرش کنوکیں سرمچارانی ھمراہ بوتگ –

بی ایل اے مجید برگیڈ ءِ جند ندری مھزام بلوچ پنام ءِ میرک وتی تامری کلوہ ءِ تہ ءَ گوش ایت کہ ھپتاد سال انت پنجاپی بلوچ راج ءِ سرڈگار ءِ سر ءَ زوگر بوتگ ءُ بلوچ وتی گلام جوڑ کتگ ءُ بلوچ چکچینی ءَ کنگ ءَ انت آیاں زورانسری آوار جنگ ءُ بیگواہ کنگ ءَ انت، بلوچ ءِ زر ءُ مڈیانی لٹ ءُ پُل ءَ کنگ ءَ انت – یک نیمگے پاکستان ءِ سی ٹی ڈی ءُ ایندگہ ادارہ بلوچ نودربر، استاد، دھکانکار ءُ مات ءُ گھاراں جنگ ءُ آیاں زنداناں بندیگ کنگ ءَ انت، آیانی جوناں جنگل ءُ ویرانگاں چگل دیگ ءَ انت ءُ پد ءَ آیاں ناشر کار گوشگ ءَ انت –

آئی ءَ دیمتر ءَ گوشتگ کہ دومی نیمگ ءَ بلوچ ءِ ننگ ءُ ناموس لگتمال کنگ بوگ ءَ انت – مئے مات ءُ گھار دگانی سر ءَ گِران کنگ بوگ ءَ انت – من ھمے گوشاں کہ شما وت ءَ بلوچ ءُ شرپدار گوش ئے گڑا شمئے شرپ اے وھد ءَ کجا ایں کہ شمئے مات ءُ گھار، شمے ننگ شمئے سرڈگار ءَ اے دراہ بوگ ءَ انت بلے شما وتی ھیش ءُ ھیاشی ءَ زند گوازینگ ءَ ات – اگاں شما گیرت مندے، دلیرے گڑا وتی گیرت ءُ دلیری ءَ دژمن ءَ پیش بہ دار ات – آئی ءَ پیش بہ دار ات کہ چنچو گیرمند ءُ دلیر یے وتی دژمن ءَ ھنچیں سبکے بہ دے ات کہ آئی ءِ ھپت پُشت بلوچ ءِ نام گرگ ءَ ھزار رند ءَ پگر بہ کنت –

آئی ءَ گوشتگ کہ مروچی مئے سنگت نمیران ءُ دیمھونی دیگ ءَ انت مئے مات ءُ گھاراں دیمھونی داتگ وتی جان ٹکر ٹکر کتگ انت بس مئے ھاترا، آیاں مئے سر ءَ یکین کتگ ءُ اوست داشتگ گڑا ما بیا ایں آیانی یکین ءُ اوست ءَ پُرشگ ءَ میل انت -آیاں ھمے اوست داشتگ کہ مروچی من رواں وت ءَ کربان کناں، وتی سرڈگار ءِ ھاتر ءَ وت ءَ ٹکر ٹک کناں گڑا باندا منی ورنا مات ءُ گھار گایان اے جنگ ءَ دیم ءَ براں وتی راج ءُ سر ڈگار ءَ.پھریز انت ءُ وتی دژمن ءَ پروش دے انت – گڑا بیا ات نمیرانیں سرانی واھگاں پیلو کن ایں –

جند ندری مھزام بلوچ گوش ایت کہ یک چیزے ما بچار ایں ھچ کس ءَ مرگے شوک نہ انت اگاں کسے روت ءُ نمیران بیت گڑا پہ یک مولے ءِ ھاتر ءَ کربان بیت – ما درس زان این مئے ورنا مات ءُ گھار پہ چی ھاتر ءَ دیمھونی دیگ ءَ انت آ بس وتی سرڈگار ءِ پھازگ ءَ کنگ بوگ ءَ انت پرچاکہ اے مئے سرڈگار ایں مئے ھک انت –

آ گوش ایت کہ اے جنگ مئیگ انت، اے جنگ مارا وتیگی کنگی انت، مارا ھچ کسی ودار کنگی نہ انت اشی ءَ یات بہ دار ات ءُ بیا ات اے جنگ ءِ بھر جوڑ بہ بہ ئے –

مھزام بلوچ گوش ایت کہ من یکبرے پد ءَ وتی راج ءِ ورنا، مات ءُ گھاراں گوشگ لوٹ آں اے جنگ ءِ بھر جوڑ بہ بنت –

اگاں مروچی ما پاد نہ اتک ایں اے جنگ وتیگی نہ کت، دشمن پروش نہ دات گڑا مئے پدریچ مارا چہ گنتر بیت ءُ مارا لانت دنت کہ پرچا مئے راج ءِ ورنایاں دیمھونی نہ داتگ ءُ مارا اجو نہ کتگ – گڑا بیائے اے جنگ ءِ بھر جوڑ بہ بہ ئے – اے جنرل اسلم ءُ ریھان ءِ کاروان انت – اے تاں آجوئی ءَ ھمے وڑ روان کنت – ھنچوش کہ زیک جند ندر سربلند یا مئے مات ءُ گوھاراں اے توپک دست گپتگ من ءَ ھم باور انت کہ منی نمیرانی ءَ پد کسے کے ایت ءُ اے توپک ءَ دست گپت ءُ اشی ءَ زنگ بوگ ءُ کپگ ءَ نیل ایت –

وتی تامری کلوہ ءِ تہ ءَ دیمتر ءَ گوش ایت من ھما مات ءُ گھار کہ مئے پلامرز بوتگ انت، کہ پہ پون ءُ یا تچکی ءَ مئے کارانی پلامرز بوتگ انت مارا آ کارانی ھاتر ءَ ارزانی بوتگ ھما ماتاں گوشگ لوٹ آں کہ مروچی ما چہ شما جسمانی جتا بوگ ءَ انت بلے مارا پد ھما سنگت کہ تُن ءُ شد ءَ دژمن ءِ بگیری ءَ جنگ کنگ ءَ انت – آ سنگتاں وتی دل ءِ تہ ءَ جاہ بہ دئینت ءُ آیانی پلامرزی ءُ کمک ءَ بہ کن ات –

مھزام بلوچ ءَ وتی کھول ءِ نام ءَ کلوہ داتگ ءُ گوشتگ کہ من وتی گھاراں ھمے کلوہ ءَ دیگ لوٹ آں کہ مروچی من چہ شما جتا بوگ ءَ آن، منی مرگ ءَ پد پُرسیگ مہ بہ ئے، وش بہ بہ ئے کہ شمئے برات پہ وتن سالونک بوگ ءَ انت – من زاناں ھر گھارے دل ءَ واھشتے بیت کہ منی برات مزن بیت من آئی ءَ سالونک کناں ، آئی ءِ دستاں ھنی کناں، وتی دزگھاراں گوں ننداں شادمانی کناں – من ھمے گوش آں مروچی منی نمیرانی ءِ وھد ءَ وتی دزگھارانی ھمرائی ءَ شادمانی بہ کن ات پرچاکہ شمئے برات پہ وتن سالونک جوڑ بوتگ، پرچاکہ مارا روگی ایں، مارا اے کار کنگی ایں –

آ گوش ایت کہ اگاں مروچی ما اے کار ءَ مہ کن ایں گڑا کئے کئیت ءُ کنتے – اے مئے جنگ انت، مارا وت اے دیم ءَ برگی ایں، ھر چیز چہ وت ءَ بندات کنگی انت ھمے ھاتر ءَ ما ھمے گوش آں ھچ گمزدگ مہ بہ ئے – ھر ھما وھد ءَ شمارا مئے یات اتک گڑا ھما سنگتاں یات بہ کن ئے کہ مروچی شمئے ھاتر ءَ کوھان انت دشمن ء دیم پہ دیم انت – آیاں وتی دل ءَ یات بہ دار ات ءُ وتی راج ءُ سنگت ءُ سرڈگار ءِ ھاتر ءَ ھر وڑیں دیمھونی دات کن ئے بہ کن ئے ـ اے ھک ایں شما وتی پرز ءَ پیلو بہ کن ات پرچاکہ ھر یک کھولے ءِ ھر یک مردمے ءَ وتی پرز وت پیلو کنگی انت – ھر کجایے وش ءُ سلامت بہ بہ ئے –

مھزام بلوچ گوش ایت من گڈسر ءَ ھمے گوش آں کہ شما ھم بیا ات وتی راج ءِ ھمرائی ءَ اے جنگ ءِ بھر جوڑ بہ بہ ئے – رکست آف آور ان سنگت –