پاکستانی پوج ءِ سَے جتا جتائیں اُرشانی زمہ واریاں من ایں- بی ایل اے

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ کہ بی ایل اے ھِ سرمچاراں کوھلو ءَ زورگریں پاکستانی پوج دو جتا جتائیں اُرشانی نشانگ کرتگ ءُ دگ بستگ ءُ اسنیپ چیکنگ کتگ-

آئی ءَ گوشتگ بی ایل اے ءِ سرمچاراں 18 مارچ ءَ کوھلو ءُ سبی ءِ میانی دمگ برگ ءَ شھدگ بستگ ءُ اسنیپ چیکنگ کتگ ءُ ھمے وھد ءَ سرمچاراں لیویز ءِ یک کارندھے دزگیر کتگ ءُ پد ءَ یل داتگ-

جارکش ءَ گوشتگ ھمے روچ ءَ زورگریں پاکستانی پوج ءَ دمگ ءَ گاڑی ءُ پرپٹانی کاروان ءِ دروشم ءَ پیشگامی کنگ ءِ جھد کتگ سنگر گپتگیں سرمچاراں آئی ءِ سر ءَ اُرش کتگ- اُرش ءِ آسر ءَ پوج ءِ یک کارندھے مرتگ ءُ یکے زدگ بیتگ ءُ آیانی پرپٹ ناکارہ بیتگ-

آئی ءَ گوشتگ گوستگیں روچ ءَ دشمنیں پوج ءَ برگ ءَ ھواریں دمگ ءَ دوبر پیشگامی کنگ ءِ جھد کتگ گڑا سرمشاراں پوج ءِ سر ءَ اُرش کتگ ءُ جانی ءُ مالی تاوانانی دیمپانی کتگ- سرمچارانی اُرش ءِ سبب ءَ دشمنیں پوج پشتکنزی بیتگ-

جارکش ءَ گوشتگ بلوچ لبریشن آرمی اے سئیں اُرشنی زمہ واریاں من ایت-