ھب، مستونگ،3 لاش دزکپتگ انت

بلوچستان ءِ واپاری شھر ھب چوکی ءَ مین آر سی ڈی دگ ءَ ھواریں سیمنٹ ڈپو ءِ نزیک ءَ یک لاشے دزکپتگ –

ایدھی ءِ رد ءَ گڈانی اسٹاپ سیمنٹ ڈپو ءِ نزیک ءَ یک مردمے ءِ لاش دزکپتگ کہ آ سول ھسپتال ھب ءَ برگ بیتگ-

پولیس ءِ رد ءَ لاش ءِ پجار 35 سالی ئیں امیر بخش ءِ نام ءَ زانگ بیتگ پٹ ءُ پول ءَ پد ایدھی ءِ ھوالگ ءَ دیگ بیتگ-

دومی نیمگ ءَ مستونگ ءِ دمگ ءَ 2 ناشناسیں مردمانی لاش دزکپتگ انت-

گیشیں اھوالانی رد ءَ گوستگیں روچ ءَ مستونگ لیویز ءِ ھند کلی لاکھا ءَ دو ورنایانی لاش دزکپتگ انت کہ آیانی اُمر 15 ءَ داں 20 سال ءِ میان گوشگ بوگ ءَ انت-

لاش ھسپتال ءَ سر کنگ بیتگ کہ اود ءَ آیانی چار ءُ ٹپاس بوگ ءَ انت-