ھیومن رائٹس کمیشن آف پاکستان ( ایچ آر سی پی ) چہ شال ءَ گوستگیں روچاں ناصر قمبرانی ءِ زورانسری آوار جنی ءِ دلپدردی درشان اِتگ-
ایچ آر سی پی ءَ وتی درشان ءِ تہ ءَ گْوشتگ کہ ناصر قمبرانی کہ نامی ئیں شائر نادر قمبرانی ءِ چُک اِنت چیزے روچ ءَ ساری شال ءَ آئی ءِ لوگ ءَ چہ زورانسری آوار جنی ءِ نشانگ کنگ بیتگ-
ایچ آر سی پی ءَ وتی درشان ءَ آئی ءِ آوار جنی ایر جنان ءَ آ ناصر قمبرانی ءِ ھک آجوئی ءِ مھکمی ھلاپ ورزی گوشتگ-
گل رِد ءَ ناصر قمبرانی ءِ کھول ءَ گْوشتگ کہ اولی رند نہ اِنت وھدے ناصر قمبرانی زورانسری آوار جنی ءِ نشانگ کنگ بیتگ، آ دوھزار پانزدہ ءَ ھم زورانسری آوار جنی ءُ در کانودی آوار جنی ءِ نشانگ کنگ بیتگ ءُ پد دوھزار ھژدہ ءَ یل کنگ بیتگ-
ایچ آر سی پی ءَ لوٹ کتگ کہ ناصر قمبرانی ءَ زوت یل بہ کن اِت ءُ آئی ءِ آوار جنوکیں مردماں آمیدگس ءَ بیار اِت-
گل ءَ زورانسری آوار جنی ءِ ھلاپ وتی درشان ءِ تہ ءَ واکدار ءَ چہ لوٹ کتگ کہ آ اے درکانودی انسانی کاروائیاں بدار اَنت-