بلوچ یکجھتی کمیٹی ءِ سروک ڈاکٹر ماہ رنگ بلوچ ءَ انّیگاں گیش بیتگیں زورانسری آوار جنی ءِ سر ءَ گوشتگ کہ ریاست پاکستان ءَ چہ بلوچستان ءَ بلوچانی ھلاس کنگ پیسلہ کتگ- تھنا گوستگیں روچ ءَ چل یک بلوچ زورانسری بیگواہ کتگ اَنت- آیانی تہ ءَ اشفاق بلوچ ھم ھوار اِنت، کہ آئی ءِ یک براتے شھزاد بلوچ، دوھزار بیست دو ءَ درکانودی کشتگ – چریشی ءِ ھلاپ ءَ کھول ءَ بی وائی سی ءِ ھمراھی ءَ پنجاہ پنچ روچاں تاں شال ریڈ زون ءَ نندانک داتگ-
آئی ءَ گْوشتگ کہ اے وھد ءَ زورانسری آوار جنی ءِ نشانگ بیتگیں مردمانی کھول کراچی – شال شھدگ سے جاہ ءَ نندانک داتگ ءُ بند کتگ- من بلوچ راج ءَ را دزبندی کن آں اے زھرشانی نندانکاں وت ءَ ھوار بہ کن اَنت-