سرباز: پیش اتکگیں دگ ءِ وئیلے ءَ دو مردم بیران، یکے زدگ بیتگ

روکپتی بلوچستان ءِ دمگ سرباز ءَ دگ ءِ سر ءَ پیش اتکگیں وئیلے ءَ دو مردم بیران بیتگ اَنت-

وئیل سرکور سرباز ءَ پیش اتکگ کہ اود ءَ گاڑیانی ٹکر ورگ ءَ دو مردم بیران بیتگ انت ءُ یکے زدگ بیتگ-

بیران بیتگیں مردم ءِ پجار مرتضی سرکوری ء ادھم ءُ سعود بلوچی ء عبدالحمید ءِ ناماں زانگ بیتگ انت- زدگ بیتگیں مردم ءِ پجار ھدایت اللہ سیریازھی ء عنایت جھمنند پادیگ سرباز ءِ نام ءَ زانگ بیتگ-

زانگ بہ بیت روکپتی بلوچستان ءَ یکشلیں دگ ءِ وئیلاں بازیں کچے ءَ مردمانی جان ءُ ساہ زوال بوگ ءَ انت کہ ایشی ءِ گیشتریں دگانی سر ءَ بے پرواھی گوشگ بوگ ءَ انت-