مند : زورگریں پاکستانی پوجی چیک پوسٹ ءُ کاروان سر ءَ اُرشاں ھپدہ کارمند کُشتگ ءُ سلاہ دستیگ کتگ اَنت- بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں پانزدہ فروری ءِ بیگاہ ءِ شش ءَ کیچ ءِ دمگ مند ءَ دریا چمّ متسنگ ءُ سُھریں کوہ ءِ میانی ءَ برجاھیں پاکستانی پوج ءِ چیک پوسٹ سر ءَ مزنیں سلاھاں چہ تُرندیں اُرشے کتگ، چریشی ءِ آسر ءَ یازدہ پوجی کارمند وھدے کہ سرمچاراں چوکی سرجمی ءَ دستیگ کتگ کارمندانی سلاہ ءُ دگہ جنگی ساز ءُ سامان وتی دستیگ کتگ اَنت-

جارکش ءَ گْوشتگ کہ سرمچارانی دگہ یک ٹولی ءَ چوکی ءَ ساڑی ئیں پوجی کارمندانی کمک ھاتر ءَ آؤکیں یازدہ گاڑیانی پوجی کاروان سنگر گپتگ ءُ چل ملٹ ءَ تاں تُرندیں اُرش ءِ نشانگ کتگ چریشی ءِ آسر ءَ دگہ شش پوجی کارمند کشتگ- سرمچاراں اُرش میان ءَ دو سرویلنس کیمرہ ءُ دگہ یک ڈرونے ھم تباہ کتگ-

جارکش ءَ گْوشتگ کہ اے اُرش ءِ سرجمیں تامُر ءَ زوت بی ایل ایف رسانکدر سیل آشوب ءَ چہ شنگ کنت-

جارکش ءَ گْوشتگ بی ایل ایف اے اُرشانی زمہ واری ءَ منّ اِیت ءُ زورگریں پوج ءِ دراھگ ءَ تاں وتی تُرندیں اُرشاں برجاہ دارگ اِھد کنت-