مستونگ ءَ سرفراز بنگلزئی ءِ کاروان ءَ سلاہ بندیں مردماں نشانگ کتگ چریشی ءَ آ رکّ اِتگ- سرفراز بنگلزئی ءَ پاکستان پوج ءِ دیم ءَ سلاہ چگل داتگ اَنت-
چہ مستونگ ءَ ھال اِنت کہ سرفراز بنلگزئی ءَ وتی دگہ سلاھیں مردمانی ھمراھی ءَ مستونگ ءِ دمگ اسلپنجی ءَ شال ءَ واتر روگ ءَ بیتگ کہ آئی ءِ کاروان سر ءَ اُرش کتگ-
ایڈیشنل ڈپٹی کمشنر عبدالمنان ءِ رِد ءَ سرفراز بنگلزئی ءِ گاڑی بلٹ پروف بیگ ءِ سبب ءَ چہ آ رکّ اِتگ-
اُرش ءَ مستونگ مرو ءِ ھند سر ءَ سنگر گپتگ ءُ سلاہ بندیں مردماں کتگ- اے میان ءَ سرفراز بنگلزئی ءِ گارڈز ءُ سلاہ بندیں مردمانی میان ءَ تیرگواری رِد ءَ برجاہ بیتگ-
واکدار رِد ءَ اُرش ءَ پد سرفراز بنگلزئی ایف سی بُنجل ءَ سر کنگ بیتگ-
زانگ بہ بیت کہ سرفراز بنگلزئی دو سال ءَ ساری سلاہ بندیں گل یل داتگ پاکستان پوج دیم ءَ سلاہ چگل داتگ اَنت-