روکپتی بلوچستان ءِ بنجاھی شھر زاھدان ءَ ایرانی چیریں ادارھاں یک مردمے آوار جنگ ءَ پد بیگواہ کرتگ-
گیشیں اھوالانی رد ءَ گوستگیں روچ ءَ زاھدان ءَ چیریں ادارہ اطلاعات ءَ یل مردمے پیش بیگ ءَ تلب کتگ ءُ پد ءَ دزگیر کتگ-
دزگیر کتگیں مردم ءِ پجار ناسر شھلی پنام ءِ آریان ء جما جھمنند دھمیر بمپور ءِ نام ءَ زانگ بیتگ-
اھوالانی رد ءَ ناسر چارشمبے ءِ روچ ءَ اطلاعات ءَ پیش بوگ ءَ تلب کتگ وھدیکہ ناسر وتی سیادانی گِس ءَ زاھدان ءَ سر بیتگ ءُ اود ءَ یک کالے ءَ آیاں وتی پجار چیریں ادارھانی نام ءَ کتگ-
آیاں گوشتگ ناسر چیرین ادارھانی دپتر ءَ شتگ گڑا آ اود ءَ دزگیر کنگ ءُ ناشناسیں جاھے ءَ برگ بیتگ-
ناسر ءِ گرگ ءُ بیگواہ کنگ ءِ درگت ءَ واکداراں دگہ گپ دیم ءَ نیاؤرتگ انت-