چہ کراچی ءُ بلوچستان ءَ دگہ دو مردم زورانسری آوار جنی ءِ نشانگ کتگ اَنت-
گیشیں ھالانی رِد ءَ یازدہ فروری ءَ پاکستانی پوج ءَ گوادر ءِ تھسیل پسنی ءَ پٹرول پمپ سر ءَ کارکنوکیں رودین شکیل آوار جتگ ءُ بیگواہ کتگ-
ھمے وڑ شش فروری ءَ چہ شھرک کیچ ءَ سیادی داروکیں معراج امام بخش چہ کراچی ءَ بلوچستان ھوٹل ءَ بیگواہ کتگ-
بلوچ یکجھتی کمیٹی ءَ گْوشتگ کہ زورانسری آوار جنی ءِ یکشل ءَ وئیلاں مردمانی تہ ءَ دلسیاھی ودی بیگ ءَ اِنت ءُ کھولاں یک نیمگے ءُ مُچی دوئیں دروشماں سزا دیگ بیگ ءَ اَنت-
آیانی گوشگ اِنت کہ بلوچ راج ریاست پاکستان ءِ دست ءَ یک بلاھیں چُکچینی ءِ دیمپانی اِنت – کا درستاں چہ دزبندی کن ایں کہ اے زُلم ءُ نا انساپیانی ھلاپ ءَ توار چست بہ کن ایں-