پنجگور ءُ آواران ءَ لیویز پورسز ءِ سلاہ ءُ سامان برگ بیتگ انت، راشن بروکیں گاڑی ءِ سر ءَ اُرش

بلوچستان ءِ دمگ پنجگور ءُ آواران ءَ گوستگیں شپ ءَ ناشناسیں مردماں لیویز چوکی ءِ سر ءَ اُرش کتگ ءُ اود ءَ جاڑیگیں لیویز کارندھانی سلاہ ءُ دگہ ساز ءُ سامان پچ گپتگ انت ءُ پورسز ءِ راشن پجارینوکیں گاڑی اش نشانگ کتگ-

اھوالانی رد ءَ گوستگیں شپ ءَ آواران ءِ دمگ بزداد ءُ پنجگور ءِ ھند پروم ءَ سلاہ بندین مردماں لیویز پورس ءِ چوکیانی سر ءَ اُرش کتگ-

اُرشکاراں ھمے وھد ءَ لیویز کارندھانی سلاہ ءُ دگہ ساز ءُ سامان دستیگ کتگ انت –

ھمے وڑ پنجگور ءِ ھند پروم ءَ سلاہ بندین مردماں دو مزدا گاڑیانی سر ءَ تیرگواری کتگ ءُ تاوان داتگ انت- دمگی مردمانی رد ءَ گاڑیاں پوج ءِ راشن مان بیتگ انت-