ھُزدار : کسان سالیں بچکے بیگواہ، کھول ءِ زھرشانی

ورنا ئے زورانسری آوار جنی ءِ ھلاپ ءَ کھول ءُ دمگ مردم زھرشانی ءَ اَنت، یل کنگ ءِ لوٹ کنگ ءَ اَنت-

بلوچستان ءِ دمگ چہ ھُزدار ءَ سر بیتگیں ھالانی رِد ءَ سلاہ بندیں مردماں یک پانزدہ سالی ئیں ورنایے زورانسری بیگواہ کتگ، آئی ءِ پجّار انس ء احمد جھمنند گذگی ھُزدار نام ءَ بیتگ-

وئیل ءِ ھلاپ ءَ کھول ءُ دمگ مردماں گذگی ءِ نزیک شال، کراچی بُنجاھی شھدگ سر ءَ نندانک داتگ شھدگ گاڑیانی واستا بند کتگ-

بلوچ یکجھتی کمیٹی ھُزدار رِد ءَ کسانی سالی ئیں ورنا ءِ آوار جنوک پاکستانی چیریں ادارھانی کارمند بیتگ اَنت ءُ سلاہ بند بیتگ اَنت- ورنا زورانسری وتی ھمراھی ءَ برتگ چریشی ءَ پد آ بیگواہ ءَ اِنت-

بلوچ یکجھتی کمیٹی ھُزدار ءَ دمگ مردماں چہ دزبندی کتگ کہ آ انس احمد ءِ کھول ءِ زھرشانی ءَ ھوار بہ بنت ءُ آئی ءِ یل کنائینگ ھاتر ءَ توار چست بہ کن اَنت-

کھول ءَ جار جتگ کہ اگاں انس زوت دیم ءَ آرگ نہ بیت گُڑا زھرشانی نندانک گیش کنگ بیت-