روکپتی بلوچستان ءِ دمگ سرباز ءَ ایرانی لشکر ءَ یک ورنایے آوار جنگ ءَ پد بیگواہ کرتگ-
گیشیں اھوالانی رد ءَ سرباز ءِ ھند ملک آباد سرکور ءَ ایرانی چیریں ادارھانی کارمنداں یک ورنایے آوار جتگ ءُ گون وت برتگ-
آوار جنگ بیتگیں ورنا ءِ پجار امیر بلوچ ء رھیم بکش جھمنند اوریز سرکور ءِ نام ءَ زانگ بیتگ –
اھوالانی امیر یک دینی مدرسے ءَ وانگ ءَ انت کہ آ گوستگیں روچ ءَ ملک آباد ءِ بازار ءَ لس پوشاکی کارندھاں آوار جتگ ءُ برتگ کہ چریشی ءَ پد آئی ءِ بارو ءَ دگہ اھوال نہ بیتگ اَنت-
زانگ بہ بیت گوستگیں دو روچ ہیش اَچ راسک ءَ ھم دینی وانگ جاھے ءَ یک ورنایے آوار جنگ بیتگ اَت-
گوستگیں دو روچانی توک ءَ اے دونی وئیل انت کہ رپورٹ بوگ ءَ اِنت-