بلوچستان ءِ دمگ نوشکی، دالبندین، چاگی ءُ ھاران ءَ انٹرنیٹ آسراتی بند کنگ بیتگ اَنت-
اِھوالکار رِد ءَ بیست پنچ جنوری ءَ شمبے ءِ روچ ءَ دالبندین ءَ بلوچ یکجھتی کمیٹی ءِ نیمگ ءَ برجم بیوکیں بلوچ چُکچینی ءِ یاتگاری روچ ءِ درگت ءَ چہ بیوکیں مُچی ءِ چاران ءَ ھکومت ءَ انٹرنیٹ آسراتی بند کتگ-
زانگ بہ بیت کہ اے مُچی ءِ درگت ءَ تاں انو ھما دمگاں سرپدی مھم برجم دارگ بیتگ اود ءَ انٹرنیٹ سروس بند کتگ ءُ بی وائی سی ءِ سروک ایف آئی آر ءَ نام دپ کتگ اَنت-
دالبندین ءَ ھوار ھمے دمگاں انٹرنیٹ آسراتی بند بیگ ءَ چہ مردمانی تہ ءَ تُرس ودی بیگ ءَ اِنت کہ ھکومت پُرایمنیں مُچی ءَ تاکت ءِ زور ءَ ھلاس کنگ لوٹ اِیت-