بلوچستان لبریشن پرنٹ ءِ جارکش میجر گوھرام بلوچ ءَ وتی شنگ کتگیں درشان ءِ تہ ءَ گْوشتگ کہ پانزدہ جنوری ءَ زورگریں پاکستانی پوج ءَ بولان ءِ ھند بارڈی ءَ گوں پوجی گاڑی ءُ پیادگیں کارمنداں لشکرکشی بندات کُرتگ۔ روچ ءِ ادار دوازدہ ءَ لشکرکشی ءَ دلگوشیں زورگریں پوج ءِ کارمندانی گوں سرمچاراں دیم پہ دیم بیتگ اَنت، چریشی ءَ میڑ بندات بیتگ ءُ داں نیم ادار ءَ جنگ برجاہ بیتگ کہ چریشی ءَ پد زورگریں پوج ءِ کارمند پدکنزگ ءَ لاچار بیتگ اَنت۔
جارکش گْوشتگ کہ روچ ءِ دو ءُ نیم ءَ پوج ءِ یک ٹولی دیم پہ دیم سرمچار گوں بیتگ – یکرندے پد ءَ بیست ملٹ ءَ داں جنگ برجاہ بیتگ ءُ پوج کارمند پدکنزگ ءَ لاچار بیتگ اَنت۔
جارکش ءَ گْوشتگ کہ روچ ءِ ادار چار ءَ یکبرے پد ءَ گوں دژمنیں لشکر ءَ میڑے بندات بیتگ کہ چریشی ءِ آسر ءَ پاکستانی پوج پد کِنز اِتگ ءُ چہ دمگ ءَ دراھگ ءَ لاچار بیتگ۔
جارکش ءَ گْوشتگ کہ لشکرکشی ءِ میان ءَ دژمنیں پوج ءَ ڈرون بالگرد ءُ سرویلینس کیمرہ ھم کارمرز کُرتگ،سرمچاراں گوں جوانیں راھبندی ڈرون کیمرہ ءُ زورگریں پوج ءِ گاڑی تاوان داتگ اَنت۔
جارکش ءَ گْوشتگ کہ ھمے گُمان بیت کہ سَے جتاجتائیں ھنداں بیتگیں میڑاں دژمنیں پوج ءَ جانی ءُ مالی تاوان بیتگ ءُ میڑانی میان ءَ سرمچاراں گوں جوانیں جنگی رپکاں پہ سلامتی وتی اوتاکاں سر بیتگ اَنت۔
میجر گوھرام بلوچ ءَ وتی درشان ءِ گُڈی ءَ لشکرکشی ءَ دلگوشیں کارمندانی پدکنز کنگ ءِ زمہ واری منّ اِتگ ءُ گْوشتگ کہ ما پہ وتی سرڈگار ءِ دیمپانی ءَ ھر وڑیں دیمونی دیگ اِھد کن ایں۔