زھری : پوج ءِ دست ءَ زورانسری آوار جنی ءِ وئیل راجی گھگیری ءَ چہ بے سوب

بلوچستان ءِ دمگ ھُزدار ءَ زورانسری آوار جنگ بیتگیں مردمانی یل کنائینگ ھاتر ءَ نندانک دومی روچ ءَ برجاہ دومی نیمگ ءَ پوج ءِ نیمگ ءَ چہ دگہ مردمانی زورانسری آوار جنگ جُھد کتگ-

زھرء تراسانی شپ ءِ ساھت سے ءَ پاکستانی پوج ءَ لشکر کشی کنان ءَ محمد سلیم ء وڈیرہ رستم خان نامیں مردمے زورانسری بیگواہ کنگ جُھد کتگ، وھدے کہ آ وتی پسّانی چار ءُ گوزار ءَ کنگ ءَ بیتگ-

کھول نیمگ ءَ چہ گھگیری ءَ زورانسری آوار جنی بے سوب کنگ بیتگ-

کھول رِد ءَ پوج ءَ اے میان ءَ زالبول ءُ دگہ مردم لَٹ کُٹانی نشانگ کتگ اَنت بلے مردماں محمد سلیم رکّینتگ-

کھول ءَ تُرس اِنت دوبر پوج محمد سلیم ءَ زورانسری آوار جنت ما اے تچک کنگ لوٹ ایں کہ اگاں سلیم ءَ چیزے بیت گُڑا آئی ءِ زمہ واری ریاست بیت-

زانگ بہ بیت کہ ھُزدار ءِ تھسیل زھری ءَ گوستگیں روچاں پاکستانی پوج ءَ دوازدہ مردم آوار جنگ ءَ پد بیگواہ کتگ اَنت- زورانسری آوار جنی ءِ ھلاپ ءَ اسرمندیں کھولاں زھرشانی کنان ءَ جتاجتائیں دمگاں دگ بند کتگ اَنت ءُ بیگواھیں مردمانی یل کنائینگ لوٹ کتگ-