بلوچستان ءِ دمگ کیچ ءِ ھند زامران ءَ ناشناسیں مردماں پاکستانی پوج ءِ کارمندانی یک بمب اُرشے ءِ نشانگ کتگ-
اِھوالکار رِد ءَ پوج ءِ پیادگی کارمند ھما وھد ءَ نشانگ کتگ اَنت وھدے کہ آ کنٹگان ءَ پیادگ گشت کنگ ءَ بیتگ اَنت-
اُرش ءَ پوج ءَ جانی ءُ مالی تاوان چست کنگ کپگ ھال اِنت بلے واکداراں اے درگت ءَ ھچ وڑیں درشان شنگ نہ کتگ-
اشی ءَ ساری گوستگیں روچاں زامران ءِ دمگ پگنزان ءَ پاکستانی پوج سر ءَ آئی ڈی اُرشے ءَ پنچ کارمند بیران بیتگ اَنت ءُ آئی ءِ زمہ واری بلوچ لبریشن آرمی ءَ زرتگ اَت-