کیچ ءِ دمگ ھوشاپ زیرو پوائنٹ سر ءَ سی پیک شھدگ ءَ زمان جان ءُ ابوالحسن ءِ دیم نیارگ ھلاپ ءَ برجاھیں نندانک ءَ مروچی سُھب ءَ یک مردمے ءَ ٹرکیں گاڑی چاڑینتگ چریشی ءِ آسر ءَ جھانزیب بلوچ جھمنند بالگتر سک ٹپی بیتگ-
زھرشانی کنوکاں اے گپ راست کتگ گوشتگ کہ گاڑی چاڑینگ سبب ءَ ورنا ئے دوئیں پاد سک ٹپی بیتگ اَنت وھدے کہ آئی ءِ جسم سر ءَ ھم ٹپ اتکگ-
زانگ بہ بیت کہ زمان جان ءُ ابوالحسن شانژدہ دسمبر ءَ ڈسٹرکٹ کونسل کیچ ءِ چیئرمین ءِ گوشگ پد ءَ آیانی دست ءَ داتگ اَنت آیانی ھمراھی ءَ الطاف نامیں یک ورنایے ھم آوار جنگ بیتگ اَت کہ پد ءَ یل داتگ- زمان جان ءُ ابوالحسن ءِ دزگیری سی ٹی ڈی نیمگ ءَ چہ جنوری ءَ چہ قلعہ عبداللہ ءَ پدر کنان ءَ آیانی سر ءَ سلاہ بندیں گلے ءَ چہ ھمگرنچ کنگ ٹاہ داتگ بلے کھول ءَ اے ٹاہ رد کتگ ءُ سی پیک شھدگ سر ءَ وتی نندانک برجاہ داشتگ-
کھول ءَ اے دوئیں دیم نیارگ ءَ تاں نندانک برجاہ دارگ ءِ جار جتگ-