بی ایل ایف ءَ پاکستانی پوج ءُ ڈیتھ اسکواڈ کارمند ءِ سر ءَ بیتگیں اُرش زمہ واری منّ اِتگ اَنت

بلوچستان لبریشن فرنٹ ءَ شنگ کتگیں درشان ءِ تہ ءَ گوشتگ کہ مئے سرمچاراں آواران ءُ کیچ ءَ زورگریں پاکستانی پوج ءِ جتاجتائیں اُرشاں نشانگ کتگ چریشی ءَ چہ کم چہ کم دُژمن ءِ ھشت کارمند مرتگ ءُ باز ٹپی بیتگ اَنت ءُ ڈیتھ اسکواڈ ءِ کارمندے یے کُشتگ-

جارکش ءَ گْوشتگ سی دسمبر روچ ءِ دو ءَ آواران ءِ دمگ بینٹ راھی شم ءَ سرمچاراں پیسر ءَ چہ سنگر گپتگ ءُ زورگریں پاکستانی پوج ءِ کاروان ءِ نوکیں ءُ وتکاریں سلاھاں چہ تُرندیں اُرشے کتگ – اُرش ھمینچو تُرند بیتگ کہ دُژمنیں پوج ءَ گیگ گور کنگ ءَ وھد نہ رس اِتگ چریشی ءِ آسر ءَ زورگریں پوج ءِ پنچ کارمند جاہ پہ جاھی مرتگ اَنت ءُ بازین ئِے ٹپی بیتگ اَنت-

جارکش ءَ گوشتگ نشانگ کنگ بیتگیں کاروان لشکر کشی ءِ نیئت ءَ کوھی دمگاں پُترگ ءَ بیتگ کہ انٹلیجنس ٹولی ءِ ھال سر ءَ بی ایل ایف ءِ جتاجتائیں ٹولی ھوار بیتگ ءُ تُرندیں اُرش کتگ-

جارکش ءَ گوشتگ اے اُرش ءَ پد دگہ یک ھندے سر ءَ زورگریں پوج ءَ کندھار دپ ءَ سرمچارانی انگیر کنگ جُھد کتگ سرمچاراں انگیر ءِ پروش واستا جوانیں وڑے ءَ پسّہ داتگ چریشی ءَ چہ دُژمن ءِ گیش سے کارمند مرتگ ءُ بازین ئِِے ٹپی بیتگ اَنت، ءُ بازیں کارمندے یے جنگ پڑ یل داتگ ءُ تچگ ءَ لاچار بیتگ اَنت-

جارکش ءَ گوشتگ دگہ یک اُرشے سرمچاراں بیست ھشت دسمبر ءِ شپ ءَ ھشت نیم ءَ کیچ ءِ بُنجاھی شھر تربت آپسر ءَ برجاھیں زورگریں پاکستانی پوج ءِ بُنجاھی بُنجل مزنیں ءُ وتکاریں سلاھاں چہ نشانگ کتگ – اُرش ءَ دُژمنیں پوج ءَ جانی ءُ مالی تاوان چست کنگ کپتگ-

جارکش ءَ ￴گوشتگ کہ بی ایل ایف ءَ نوکیں وھد ءِ لوٹانی بنیاد ءَ ￴وتی جنگی رِپک ءُ ￶راھبند نوک کرتگ اَنت ءُ ￶اِے راھبندانی سر ءَ ￴گل ءِ ￵انٹیلی جنس ٹولی، اسنائپر ٹیکٹیکل ٹولی ءُ ￶کربان یونٹ کار ءَ ￴اَنت ءُ ￶دژمن ءِ ￵سر ءَ ￴ھما وڑ ءَ ￴اُرش کن اَنت کہ آئی ءَ ￴اِے اُرشانی گمان ھم مہ بیت۔ آیوکیں وھد ءَ ￴پاکستانی لشکر ءُ ￶آئی ءِ ￵شوربندیانی سر ءَ ￴جوانیں وڑ ءُ ￶ترندیں اُرش کنگ بیت داں آئی ءِ ￵زور ھلاس ءُ ￶مئے مول ءُ ￶مراد سرجم بہ بنت۔

جارکش ءَ گوشتگ اُرش تامُر زوت رسانکدر ءَ شنگ کنگ بیت، تامُر تہ ءُ زورگریں پوج ءِ مرتگ ءُ ٹپی بیتگیں کارمند ساپی ءَ گندگ بنت-

جارکش ءَ دگہ درشانے ءِ تہ ءَ گوشتگ سرمچاراں کیچ ءِ دمگ بلیدہ ءَ ڈیتھ اسکواڈ کارمند حلیم ء سلیم تیرگواری کتگ کُشتگ-

جارکش ءَ گْوشتگ کہ سی یک دسمبر ءِ روچ ءِ دوازدہ ءَ الندور بلیدہ ءَ تیرگواری کتگ ڈیتھ اسکواڈ کارمند ءُ ریاستی چاریگ کُشتگ- اے راجی میاربار گوستگیں سرمچار ءُ ڈیتھ اسکواڈ کارمند ناصر پنّام ءِ بھرام ء عبدالکریم ءِ سروکی ءَ کار کنگ ءَ بیتگ، دمگ ءَ بلوچ پُسگانی شھیدی، دُزی ، ڈُنگی ءَ ھوار دگہ چاگردی سلّکاریاں تچکی ءَ ھمگرنچ بیتگ-

جارکش ءَ گوشتگ کہ اشی ءِ ھمراھی ءِ لَس شھری ایاز ء نبی بخش ھم ٹپی بیتگ ما اشی ءِ کھول ءَ چہ ھمدردی کن ایں، ءُ ما باز رند ءَ کڈن کتگ کہ پاکستانی پوج ءُ اشی ءِ جوڑ کتگیں ڈیتھ اسکواڈ ءُ اشی ءِ کارداراں چہ گستا بہ بنت، کہ سرمچاراں کجا ءُ کجام وھد ءَ آیاں نشانگ کُت کنت-

جارکش ءَ گوشتگ کہ میاربار حلیم کوش ءَ پد سرمچاراں آئی ءِ سلاہ دستگیں کتگ ءُ وتی ھمراھی ءَ برتگ گوں-

درشان ءِ تہ ءَ گوشتگ کہ اے ٹولی ءِ سروک ءُ کارمندانی سر ءَ مئے انٹیلیجنس نگاہ ایر اَنت، ءُ آیاں زوت نشانگ کن ایں-

جارکش ءَ گُڈی ءَ گْوشتگ کہ بی ایل ایف ریاستی کارمند ءِ کوش زمہ واری ءَ منّ اِیت ءُ سرجمیں ڈیتھ اسکواڈ کارمند ءُ چاریگاں کڈن کن ایں کہ آ وتی کارپداں چہ شر بہ بنت اگاں ناں آ گُڈی آسر ءَ سر کنگ بنت-