کلات ءَ کراچی ءُ شال ءِ بُنجاھی شھدگ ءِ سر ءَ مروچی دومی روچ ءَ ھم نندانک برجاہ اِنت- زھرشانی ءَ زالبول، زھگ ، کماش ءُ نادُراھیں مردم ھوار اَنت-
اے زھرشانی نندانک زورانسری بیگواہ کنگ بیتگیں اختر شاہ ءِ یل نہ کنگ ءِ ھلاپ ءَ نندانک دیگ بیگ ءَ اِنت-
زھرشانی کنوکانی گوشگ اِنت کہ آ ھم سارتی ءُ دلسیاھی ءَ آماچ اَنت بلے ریاست ءِ بے پرواھی ءَ آ لاچار کتگ اَنت کہ دگ ءَ بند بکن اَنت ءُ زھرشانی بہ کن اَنت-
آیانی گْوشگ اِنت کہ انتزامیہ ءِ نیمگ ءَ چہ سُھب ءَ چہ بیھار دیگ ءَ اَنت کہ اگاں نندانک ھلاس نہ کتگ گُڑا زالبولیں فورس ءَ چہ شھدگ ءَ پچ کنائیناں-
زھرشانی کنوکاں تچک کتگ کہ توری لٹ ءُ کُٹ یا دزگیری، دانکہ سید اختر شاہ یل کنگ نہ بیت- نندانک برجاہ بیت انت-