ظریف عمر ءِ کوش زوراکی ءُ گوستانک ءِ پالیسیانی دْرچ اِنت- آل پارٹیز کیچ
آل پارٹیز کیچ ءَ تمپ ءَ ظریف عمر ءِ کوش تُرندیں لبزاں گوں ایر جنان ءَ اے زوراکی ءُ گوستانک ءِ پالیسیانی درچ نام داتگ-
آل پارٹیز کیچ ءَ گْوشتگ کہ پوج نیمگ ءَ ظریف عمر ءِ کھول ءَ تربت ءَ تاں آیگ موکل نہ دیگ انسانی ھکانی ھلاپ ورزی اِنت کھول ءَ پوسٹ مارٹم ءِ موکل دیگ لوٹ اِیت اے آیانی بُنکی ھک اِنت-
آل پارٹیز ءَ لوٹ کتگ کہ ظریف عمر کھول ءَ انساپ دیگ بہ بیت ءُ اے وئیل ءِ پلگاری ءَ پٹ پول بہ کن اَنت ھمگرنچیں میارباراں کانود رِد ءَ سزا بدے اِت ءُ اے وئیل ءِ گر ءَ دار کنگ دلجمی بدے اَنت-
آل پارٹیز کیچ ءَ گْوشتگ کہ کھول اے وئیل ءِ زمہ وار پوج کتگ ءُ گوشتگ آئی جی ایف سی ءُ ھکومت بلوچستان اے وئیل ءِ پٹ پول ءَ بہ اَنت کھول ءَ انساپ بدے اَنت-
بلوچستان ءَ تاکت ءُ زوراکی ءِ کارمرز کنگ مروچی راج ءُ ریاست میان ءَ تچکیں لکیر کش اِتگ اگاں تاکت ءِ بے رھمیں دْرچ برجاہ بنت گڑا جاور گیش نگیگ بنت-