کولواہ ءُ جھاؤ ءَ دُژمن ءِ دو کارمندانی کوش ءُ بازین ئِے ٹپی کنگ زمہ واری ءَ من ایں- بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گوشتگ کہ مئے سرمچاراں بیست چار دسمبر سے شمبے بیگاہ ءِ چار نیم ءَ کولواہ ءِ دمگ دمب مالار ءَ برجاھیں زورگریں پاکستانی پوج ءِ چوکی نوکیں ءُ مزنیں سلاھاں چہ نشانگ کتگ چریشی ءِ آسر ءَ زورگریں پاکستانی پوج ءَ جانی ءُ مالی تاوان چست کنگ کپتگ-

جارکش ءَ گوشتگ کہ دگہ یک کاروائی ءَ سرمچاراں بیست پنچ دسمبر ءِ بیگاہ ءِ پنچ ءَ جھاؤ ءِ دمگ کورک ءَ پاکستانی پوج ءِ پیادگ ٹولی ءِ نوکیں ءُ مزنیں سلاھاں چہ نشانگ کتگ چریشی ءِ آسر ءَ زورگریں پوج ءِ دو کارمند مرتگ ءُ بازین ئِے ٹپی بیتگ اَنت وھدے کہ اے اُرش ءَ ڈرون کیمرہ ءَ نشانگ کتگ ءُ دور داتگ-

جارکش ءَ گْوشتگ پاکستانی پوج ءِ گوستگیں دو روچاں چہ اے دمگ ءَ لشکر کشی ءِ نیت ءَ ساڑی اِنت ءُ کلین پری ھند ءَ سر ءَ یک ھداروکی بُنجلے جوڑ کتگ- وھدے اے پوجی کارمند اے دمگاں لشکر کشی ءَ چہ واتر آیگ ءَ بیتگ اَنت کہ سرمچاراں آ نشانگ کتگ اَنت-

جارکش ءَ گوشتگ سرجمیں بلوچستان ءَ زورگریں ریاست ءَ وتی دستیگ ءَ دراجکش کنگ ھاتر ءَ جاگہ جاگہ ءَ پوجی بُنجل ءُ چوکی جوڑ کتگ اَنت کہ اود ءَ ھمکروچ مردماں تُرسین اَنت ءُ مردماں چہ زور پوریاگری ءُ بُنجل ءَ لوٹائینتگ ءُ زورانسری آوار جتگ اَنت-

جارکش ءَ گْوشتگ کہ بلے بی ایل ایف بلوچ راج ءِ گل اِنت ءُ وتی آجوئی مول ءُ مراد ھاتر ءَ جُھد ءَ اِنت پاکستانی پوج ءُ آئی ءِ شوربندیاں نشانگ کنت ءُ آیاں نپسیاتی ءُ سسّائی پروش ءِ دیمپان کتگ-

جارکش ءَ گْوشتگ بلوچستان لبریشن فرنٹ اے اُرشانی زمہ داریاں منّ اِیت ءُ زورگریں پوج ءِ دراھگ ءَ تاں آیاں نشانگ کنگ اِھد کنت-