دشت: پاکستانی پوج ءِ کاروان ءِ سر ءَ اُرش، دو کارندہ مرتگ انت، چار زدگ بیتگ انت

گوادر ءُ تربت ءِ میانی دمگ دشت ءَ پاکستانی پوج ءِ کاروان ءِ سر ءَ اُرش ءَ دو کارندہ مرتگ انت ءُ چار زدگ بیتگ اَنت-

گیشیں اھوالانی رد ءَ گوادر ءُ تربت ءِ میانی دمگ دشت ءَ چرز ءِ شکار کنوکیں عرب شیخ ءَ پھزداری کنوکیں پاکستانی پوج ءِ گاڑی بمب ءِ نشانگ کنگ بیتگ-

اُرش ءَ ایف سی ءِ نائک زمان ءُ الانس نائک عمر زھور مرتگ انت ءُ نائک نعیم، سپاھی جاوید، سپاھی امین ءُ سپاھی وحید زدگ بیتگ اَنت-

زدگ بیتگیں ھیلی کاپٹر ءِ سر ءَ ھسپتال ءَ برگ بیتگ انت ءُ زدگ بیتگیں کارندھانی جاور ناگیگ گوشگ بوگ ءَ انت-

گوستگیں بیست ءُ چار ساھتانی میان ءَ بلوچستان ءِ جتا جتائیں جاھاں بیتگیں اے سیمی تراک انت ایشی ءَ پیش شال ءُ زامران ءَ پوج ءُ ریل ءِ ٹریک تراکانی نشانگ کنگ بیتگ اَنت-