کیچ : پانزدہ روچانی گوزگ ءَ اَبید ھم مئے مردم یل کنگ نہ بیتگ اَنت- کھول

کیچ ءِ دمگ دشت ءَ ھپت دسمبر ءِ شپ ساھت دو ءَ باھوٹ چات ءَ پاکستانی پوج ءَ بیڑبرتگ اَت ءُ دو ورنا آوار جتگ اَت کہ آیانی پجّار وارس ء ابراھیم ءُ گُلاب بوھیر جھمنند باھوٹ چات نام ءَ چہ بیتگ اِت اَنت-

کھول رِد ءَ وھدے کہ ھپت دسمبر شپ ءَ مئے مردم آوار جتگ ءُ گوں وت برتگ اَنت ءُ ھمے میان پوج ءَ گوشتگ کہ ما شمئے مردماں پٹ پول کن ایں ءُ پد یل اش دے ایں-

کھول گوشگ رِد ءَ اے دوئیں ورنا میرانی ڈیم ءِ پاکستانی پوج ءِ بُنجل ءَ بند اَنت کہ آیانی درگت ءَ ھچ وڑیں ھال نیست

آیانی گوشگ اِنت ما پانزدہ روچ اِنت وارس ءُ بوھیر ءِ یل کنائینگ ھاتر ءَ میر ءُ متبرانی گور ءَ وتی اَرز برتگ بلے انگت ھچ وڑیں گامگیج زیرگ نہ بیتگ-

کھول ءَ دوئیں ورنایانی یل کنائینگ ءِ لوٹ کتگ-