چھبار: دگ ءِ وئیلے ءَ چار مردم بیران ءُ زدگ

روکپتی بلوچستان ءِ دمگ چھبار ءَ پیش اتکگیں دگ ءِ وئیلے ءَ چار مردم بیران ءُ زدگ بیتگ اَنت-

اھوالانی رد ءَ وانگ جاہ ءِ پنچ استاد چھبار ءَ دراتکگ انت ءُ پیرسھراب ءَ روگ ءَ بیتگ انت کہ راہ ءَ آیانی گاڑی وئیل ءِ آماچ بیتگ ءُ چپ بیتگ –

وئیل گوستگیں شپ ءَ پیش اتکگ کہ اود ءَ ترند روکیں گاڑی ءَ یک درچکے ءَ ٹکر داتگ ءُ چریشی ءَ یک مردمے ءَ وتی ساہ داتگ اَنت-

بیران بیتگیں مردم ءِ پجار مھمد رفیق جدگال ء کریم بخش جھمنند پیرسھراب، زدگ بیتگیں مردمانی پجار سعید جدگال ء نور مھمد، زاھد جدگال ء واھد ھردوک جھمنند کُچ، عباس جدگال ءُ داؤد جدگال ءِ ھردوک ترکانی دشتیاری ءِ جھمنند اَنت –

وئیل ءَ بیران ءُ زدگ بیتگیں مردم چست کنگ ءُ چھبار ءِ نادراہ جاہ ءَ برگ بیتگ اَنت-

اے پنچیں استاد امام علی وانگجاہ پیر سھراب ءَ وانینوکیں استاد بیتگ اَنت-