ھاران : ریاستی چاریگ نصیر عیسی زئی سر ءَ بوتگیں اُرش زمہ واری ءَ منّ ایں- بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ دہ دسمبر ءَ سرمچاراں ھاران ءِ دمگ ٹوہ مُلک ءَ ریاستی چاریگ نصیر عیسی زئی اُرش نشانگ کتگ چریشی ءَ آ ٹپی بیتگ-

جارکش ءَ گْوشتگ کہ نصیر عیسی زئی گوستگیں بازیں سالاں چہ لیویز کارمند ءِ دروشم ءَ دُژمنیں پوج ءُ آئی ءِ چیریں ادارھانی واستا کار کنگ ءَ بیتگ- گل ءِ انٹیلیجنس ونگ ءِ سنگت بازیں وھد ءَ چہ آئی ءِ سر ءَ نگاہ ءِ ایر بیتگ ءُ انٹلیجنس ونگ ھالانی سر ءَ کاروائی کنان ءَ دہ دسمبر ءَ آ تیرگواری کتگ ءُ ٹپی کتگ-

جارکش ءَ گْوشتگ کہ بی ایل ایف نصیر عیسی زئی ءَ ھوار دگہ سرجمیں ریاستی چاریگاں یکرندے پد ءَ کڈن کن ایں کہ آ وتی کارپداں چہ در بیا اَنت گل دیم ءَ وت ءَ پیش بہ کن اَنت اگاں ناں آیانی آسر راجی دُژمنانی وڑ ءَ بنت-

آئی ءَ گْوشتگ کہ بی ایل ایف ریاستی چاریگ سر ءَ بیتگیں اُرش زمہ واری ءَ منّ اِیت ءُ بلوچستان ءِ وتواجھی ءَ تاں زورگریں پوج ءُ ریاستی چاریگانی سر ءَ اُرش برجاہ بنت-