روکپتی بلوچستان ءِ دمگ راسک ءَ یک لوگے ءَ بیتگیں دزبمب تراکے ءَ زالبولے ءَ ھوار سَے مردم بیران بیتگ اَنت ءُ یک مردمے زدگ بیتگ-
اھوالانی رد ءَ راسک ءِ ھند مورتان ءَ یک لوگے ءَ بیتگیں دزبمب تراکے ءَ سھیلہ آسکانی، زابد آسکانی، عمادالدین ء مراد مھمد بیران بیتگ اَنت ءُ ایشانی پت مراد مھمد زدگ بیتگ اَنت –
اھوالانی رد ءَ اے دزبمب پوجی ھیلکاریاں پد دمگ ءَ کپتگ بیتگ کہ پد ءَ نزانتکاری چنگ ءُ لوگ ءَ برگ بیتگ کہ اود ءَ پِن ءِ کشگ ءَ تراک بیتگ-
زانگ بہ بیت ھمے سال ءَ ھیرمند ءَ یک ھمے ڈولیں بمب تراکے ءَ امین اللہ سالارزئی نامیں مردمے بیران بیتگ-
اھوالانی رد ءَ پوجی ھیلکاریاں پد پوجی وتی ساز ءُ ساماناں ساپکاری نہ کن اَنت چریشی ءِ سبب ءَ اے دابیں وئیل پیش آیگ ءَ اَنت-