کیچ: چہ تُربت آپسر ءَ پاکستانی چیریں ادارھاں سے برات گار ءُ بیگْواہ کُت

دہ دسمبر ءِ شپ ءَ آپسر ءَ پاکستانی چیریں ادارھاں لوگ ءَ دور کُتگ ءُ سے ھکیگیں برات اَنت، احسان منظور، افضل منظور ءُ حامد منظور آوار جَتگ ءُ بیگواہ کُرتگ اَنت۔

ھمے درگت ءَ کَھول ءِ چمّانی دیم دیستگ ءُ گْوشتگ کہ دہ دسمبر ءِ شپ ءِ نیم ءَ پاکستانی لشکر ءُ آئی ءِ چیریں ادارھاں لوگ ءِ چپ ءُ چاگرد ءَ سنگر بستگ ءُ گوں زورانسری ءَ چموداں سے ئیں برات دزگیر کنگ ءَ چہ پد بیگواہ کُتگ اَنت۔

کھول ءِ گْوشگ اِنت کہ اے بابت ءَ کس مارا مالومات نہ دیگ ءَ اِنت-

کھول ءَ چہ کمشنر مکُران ڈویژن ڈپٹی کمشنر کیچ ءُ انسانی ھکانی گلاں نَکّگ ءُ دزبندی کُتگ کہ مئے چُکانی واست ءَ توار چِست بکن اِت۔