اوگانستان: نامی ئیں دھشت خلیل الرھمان ھکانی بمب تراکے ءَ جنگ بیتگ

اوگانستان ءِ وزیر مھاجرین چارشمبے ءِ روچ ءَ بنجاھی شھر کابل ءَ وزارت ءِ کارگس ءَ بیتگیں بمب تراکے ءَ جنگ بیتگ-

تراک ءَ خلیل الرھمان ھکانی وتی لھتے ھمراھانی ھمراھی ءَ جنگ بیتگ-

خلیل الرھمان ھکانی جلال الدین ھکانی ءِ برات بیتگ، کہ آئی ءَ تالبان ءِ دو دھکاں جنگ ءُ چوپانی وھد ءَ لھتے ترندیں اُرشانی زمہ واریانی ترسناکیں ھکانی نیٹ ورک ءِ بنھشت ایر کتگ – آ انیگیں وزیر داکلہ سراج الدین ھکانی ءِ ناکو اِنت –

2021 ءَ وھدیکہ تالبان ءِ لشکر ءَ سرجمیں ڈیھ وتی دست ءَ کتگ، امریکہ ءُ نیٹو ءِ چیردستی ءَ درملکی لشکر ءِ ھلاپ ءَ جنگ ءِ ھلاسی ءِ جار جتگ ات کہ چریشی ءَ پد اوگانستان ءَ جنگ ءِ توک ءَ کمی اتکگ ات- بلے اسلامک اسٹیٹ ءِ دمگی ٹولی، چوشکہ اسلامک اسٹیٹ ھراسان ءِ نام ءَ زانگ بیت اِنت – اوگانستان ءَ پرکار اِنت آ تچک ءَ شھری، درملکی ءُ تالبان ءِ کارندھاں اُرشانی نشانگ کنگ ءَ اِنت-