چہ گوادر ءَ دو مردم بیگواہ، چہ شال ءُ بسیمہ ءَ دو مردم یل کنگ بیتگ

بلوچستان ءِ تیاب دپی شھر چہ گوادر ءُ پسنی ءَ پاکستانی پوج ءَ دو مردم آوار جنگ ءَ پد بیگواہ کتگ اَنت-

بیگواہ کنگ بیتگیں مردمانی پجّار منور ء قرار ءُ ذکریا ء اللہ بخش نام ءَ چہ بیتگ اَنت-

بیگواہ کنگ بیتگیں مردمانی تہ ءَ منور دوشگیں شپ ءَ پاکستانی پوج ءَ پسنی ءِ دمگ چہ ببر شور ءَ بیڑبرتگ ءُ آوار جتگ ءُ بیگواہ کتگ-

ذکریا گوستگیں روچاں بیگاہ وھد ءَ گوادر ءِ دمگ چہ گٹی ڈھور ءَ آوار جتگ چریشی ءَ پد دوئینانی درگت ءَ ھچ وڑیں ھال دز نہ کپتگ کجا اَنت چی ھال تہ ءَ اَنت-

دومی نیمگ ءَ ھُزدار نال ءِ دمگ کوڑاسک پوجی بُنجل ءَ چہ ھمے سال دہ اکتوبر ءَ بیگواہ کنگ بیتگیں مسلم ء اختر نامیں چہ بسیمہ ءَ آجو بیتگ-

وھدے کہ سے جنوری دوھزار بیست چار ءَ چہ عیسیٰ نگری بروری دگ شال ءَ زورانسری بیگواہ کنگ بیتگیں امام جان ء صوالی جھمنند ھوشاپ، کہ بی ایم سی نادُراھجاہ ءَ نرسنگ میل آفیسرے، آجو بیتگ لوگ ءَ سر بیتگ-