روکپتی بلوچستان ءِ تیابدپی شھر چھبار ءَ ایرانی چیریں ادارھاں یک مردمے آوار جنگ ءَ پد بیگواہ کرتگ-
آوار جنگ بیتگیں مردم ءِ پجار بھروز دینارزئی پنام ءِ امجد ء عیسیٰ ءِ نام ءَ زانگ بیتگ کہ آ بنکی ءَ سرباز ءِ جھمنند گوشگ بوگ ءَ اِنت-
اھوالانی رد ءَ امجد گوستگیں روچ ءِ سھب ءِ ساھت پنچ ءَ وتی گس ءَ واب بیتگ کہ چیریں ادارھاں اُرش کرتگ ءُ آ آوار جتگ ءُ برتگ-
داں انگت ءَ آئی ءِ دزگیری ءِ جرم ءُ بیگواھی ءِ بارو ءَ دگہ گیشیں اھوال دیم ءَ نیتکگ اَنت-