بلوچ یکجھتی کمیٹی ءِ کمپین ءِ سرھال “ھاموشی ءِ پُرشگ: زوراکیں بیگواھیانی ھلاپ ءَ اوشتگ” نوشکی ءَ زھرشانی ریکارڈ کنگ بوتگ۔
چہ بلوچستان ءَ زوراکیں بیگواھیانی گیش بوھگ ءُ بازیں مردمانی زوراکیں بیگواہ کنگ ءِ ھلاپ ءَ مرچی بلوچستان ءِ دمگ نوشکی ءَ بلوچ یکجھتی کمیٹی ءِ برجم داشتگیں زھرشانی مچے یے برجم داشتگ ءُ زھرشانی ریکارڈ کنگ بیتگ۔
نوشکی ءِ زھرشانی ءَ شھریاں مزنیں کساسے ءَ بھر زرتگ ءُ ھمے وھد ءَ اے زھرشانی ءِ مچی ءَ چہ نوشکی ءَ پہ زور بیگواہ کنگ بوتگیں مردمانی کھولاں ھم بھر زرتگ۔
اے درگت ءَ مچی ءَ جتا جتائیں کوچگانی وسیلگ ءَ زھرشانی ءِ رنگ گپتگ ریلی ءِ بھر زوروکاں بیگواھیں مردمانی بیگواھیں مردمانی بینر، پلاکارڈ ءُ اکس دست ءَ بیتگ اَنت۔
نوشکی ءَ زھرشانی مچی ءَ بھر زوروکیں زوراکیں بیگواھی ءِ آماچیں مردمانی کھولاں چہ میان اُستمانی راج ءُ ادارھاں دزبندی کتگ کہ آ وتی بیگواھیں مردمانی پجارینگ ءَ وتی کرد ءَ پیلو بہ کن اَنت ءُ آیاں چہ اے بدھالی ءَ بہ رکّین اَنت۔
بلوچ یکجھتی کمیٹی ءِ کمپین ءِ سرھال “ھاموشی ءِ پُرشگ: زوراکیں بیگواہ کنگ ءِ ھلاپ ءَ اوشتگ” بلوچستان ءِ جتا جتائیں دمگاں زھرشانی کنگ ءَ اِنت کہ اود ءَ پیسر ءَ کراچی، حب چوکی، خضدار، تربت، پنجگور، خاران، کوئٹہ ءُ مروچی نوشکی ءَ ریکارڈ کنگ بیتگ –
–