حماس ءِ راھشون خلیل الحیا ءَ یک درشانے ءِ تہ ءَ راست کتگ کہ یحییٰ سنوار جنگ پار ءَ بامردی ءَ جنگ کنان ءَ جنگ بیتگ-
حماس راھشون خلیل الحیا ءَ راست کتگ کہ حماس ءِ سروک یحییٰ سنوار پشمبے ءَ جنگ ءِ میان ءَ جنگ بیتگ-
رسانکدر ‘ ایسوسی ایٹڈ پریس ‘ ءَ آدینگ ءَ شنگ کتگیں درشان ءِ تہ ءَ گوشگ بیتگ حماس راھشون گوشگ اِنت کہ دانکہ غزہ ءَ جنگ بند نہ بیت اسرائیلی پوج در کنگ نہ بیت، تاں ھمے وھد ءَ بندیگ یل کنگ نہ بنت-
دومی نیمگ ءَ اسرائیل پوج ءَ یک ڈرون تامُرے شنگ کتگ آئی ءِ تہ ءَ گوشگ بیتگ اشی ءِ تہ ءَ ساڑی مرد یحییٰ سنوار اِنت- اے تامُر اسرائیل نیمگ ءَ چہ یحییٰ سنوار ءِ بیرانی راست کنگ ءَ پد شنگ کتگ-
یحییٰ سنوار ھپت اکتوبر دوھزار بیست سے ءَ حماس ءِ اسرائیل سر ءَ اُرش ءِ سروک سرپد بیت-
اسرائیل ءِ غزہ ءَ لشکر کشی ءَ پد آ نام دپیں مردمانی تہ ءَ یکے بیتگ-