آواران ءَ گوستگیں سال ءَ زالبولیں ٹیچر ءِ چمپروشی کنگ وتکشی ءَ لاچار کنوکیں مردم سلاہ بندانی دست ءَ کشگ بیتگ

گوستگیں سال ءَ آواران ءَ چمپروشی کنگ ءَ ٹیچر ءِ وتکشی ءَ لاچار کنوکیں مردم مروچی سلاہ بندیں مردمانی تیرگواری ءَ چہ بیران –

تیرگواری وئیل آواران ءِ دمگ گیشکور بازار ءَ بیتگ- اود ءَ سلاہ بندیں مردمانی تیرگواری کتگ نوربخش کشتگ-

تیرگواری ءَ پد اُرشکار تچگ ءَ سوبمند بیتگ اَنت وھدے کہ اُرشکار اے تپُنگ ءُ پرپٹ ھم وتی ھمراھی ءَ برتگ-

اے مردم درگت ءَ گوشگ بوگ ءَ اِنت کہ اشی ءِ سیادی پاکستانی چیریں ادارہ ءَ اِنت-

زانگ بہ بیت اے مردم ءِ سر ءَ اے بھتام ھم ھست کہ اشی ءَ گوستگیں سال ءَ یک زالبولیں ٹیچرے چمپروشی کتگ وتکشی کنگ ءَ لاچار کتگ-

نجمہ بلوچ ءِ وتکشی کنگ ءَ پد چاگردی مردماں تُرندیں ایرجنی ءُ زھرشانی ءَ پد واکدار دزگیر کنگ ءَ پد یل داتگ ، مروچی آ سلاہ بندیں مردمانی تیرگواری ءَ چہ کشگ بیتگ-